四月廿五日摩士

呢場波遇到對手喇, 雖然唔洗輸波, 3:3 戰果執番嚟, 呢班波上次係大埔慘敗1:4, 入波又係kk, kk 係呢班波剋星, 開波個陣又係比人襟撚住嚟打, 高仔同亞文唔係撲波嘅材料, 中場神b要上腳, 神ken又冇料到, 肥仔就左路等死, 中路得楊老闆押場, 鬼仔中路又無人幫, 上半節 0:0 已執到喇, 中段換韋哥出場個勢又大大改變, 立即攞番唔少攻勢, 叫住嚟踢, 好好多, 加埋金毛係前面死衝, 個勢番哂嚟, 一次唔知邊個契第大腳比前面牛文, 佢已經比人mon 九緊件衫, 但佢夠牛力, 擺脫個後衛半單刀冷靜地射入地波, 好嘢!, 好似慢留尾袋黑柴一樣, 1:0 韋哥fc又靠牛文首名入球, 不過得3.5倍, 冇物肉食, 但好景不常, 比人又單刀追和, 本應亞楊老闆食哂身位攞哂, 但佢可能太老定或高張, 唔清就出事喇, 但韋哥fc都有好幾次攻勢唔入, 又比人一次突擊 攪x掂, 但後面係夠人防守, 有神b, 肥就, 亞dee等, 輸番2:1 但kk 果然係呢班契第剋星, 追番2:2 射入遠柱入 , 輸3:2 個波又係呢幾條神棍冇力清波, 好在kk係補時階段左路追落去起腳勁射, 個龍竟甩手, 比高仔白界前做全世界最x簡單嘅事 3:3 完場, 做埋今個月神射手添, 今場有個希客回巢亞廣是也, 自從對車路士一役後玩失蹤, 可以着草, 但佢無打咁耐算ok, 亞呂打後都唔錯, 有球對方係左路cup過神ken, 正要起腳之際, 多得亞呂出腳相肋, 如果唔係 ??? 最後神b排最後個節有問題, 連輸兩球, 有會員向韋哥有微言, 不過始終係快樂足球...
至於係新浦崗舉行之桌球大師賽有三場, 由九龍城基夫斯對將軍澳亨七你, 頭場基夫斯以狂旋風掃落葉大勝亨七你, 第二場亨七你贏緊22度, 枱面仲有25度波, 但亨七你咗咀綠波, 基夫斯當時把握機會, 連趙草, 啡, 藍, pink, 到黑柴就.... 好在亨七你冇個尾嘢, 九龍城基夫斯臨尾cut 入黑波險勝, 第三場最終比將軍澳希堅斯(亞呂)對身爆, 但韋哥呢鋪太多達死, 又係飲恨黑柴, 下次再見

睇報告都見精彩，好彩係決定唔落場，唔係真害街坊．

咁又係呀, 好彩你無落場, 當佢哋比韋哥fc入咗波開始踢得較兇狠, 仲有個球同條友係邊線搶波時, 突然有個亞叔好狠出腳 young, 大鑊韋哥中招領嘢, 著咗畢迪打都唔掂.