亞b 發火

一月十日係九龍仔對車路士, 嘩呢班大哥換咗件綠衫果然唔同, 個兩條四眼佬帶哂架生, 開波初後沙鹿滾滾, 萬天風雨, 中場互毆, 拳來腳往, 一不小心就領嘢, 韋哥係上一次同大家講過, 佢哋球會嘅作風係業餘界係人都知, (作為一個汽車維修員) 謂有大家小心 d 喇, 從韋哥fc隊員友善嘅眼神, 就知道韋哥呢班友好騎呢! 開波, 一次角球, 亞b 同一個四眼佬似已有所動作(互推), 完了, 又一次係中場大家在無波之下講手, 太不明白, 球場好好先生 (球場嘅police) b sir 竟出手, 連牌都無攞過, 原來比個四眼烏龜出陰招踢x 佢, 亞b 立即嚟料, 使出平生絕學, 蔡李佛拳之 肓拳打老師傅. 再而出口互 x, 場面混亂, 亞楊, gap 等兄弟齊出口幫拖, 各後經過大會老細和解, 暫時無事,
第二節, 慘, 慘喇, 楊老闆上, 中 ,下三路都中招, 先比亞gap 誤省中要害, 再比對手醒咗一巴, 再而同人互衝破隻腳, 真陰功, 大家開始失控喇, 唔x 收制, 但重可以踢, 又一次 , 久未浦頭之亞廣做龍接波, 比人衝門, 應收步, 八二波, 亞廣出言 駛唔駛咁踢踢, 個另一個四眼佬就x 亞廣, 大家又開始另一場口角喇,
最後一節由韋哥把關, 雖然最終輸3:0 但球賽側順利完成, 要不是亞歡下半場一球中柱唔入, 亞呂又執唔到隻雞嚟食, 1:1 又係咁踢喇, 唉, 冇運, 記住喇, 每次對車路士都係開拖收場.
九龍城廣場桌球表演賽另外戰果. 韋哥 vs 甩漏 dee 2:0, 亞b vs 楊老闆 2:0,
韋哥 vs 楊老闆 2:0, 亞b vs 甩漏 dee 2:0

偉哥又多個問題球員！多D翻教會吧！要寬恕敵人。

自小睇王小龍,抱住懷疑........究竟雙龍出海使得冇??終於有機會一試,果然耍家!!!!

點解對車路士次次都要開拖呢 ? 可能韋哥fc 係一隊善良之槍足球隊. 嘩, 如果亞b 當日駛出果招旋風地當腿, 就無解可激 ......

大家都辛苦啦，等佢幫下你：

醒唔醒！！！

喎, 好爽呀, 打完波有d 美女揼吓骨就唔同, 亞b , d 骨火無哂囉