八月九日賽後報告

一顆原子彈投擲在樂富地毯上, 結果係開大, 3:2 反勝有金仔, 鬼仔, 亞鎮等高手老人隊, 又一證明韋哥fc 係得嘅, 睇到場邊嘅甘仔, 亞廣心旭旭, 想落場打埋一份, 韋哥fc以土炮加外援出戰, 頭段戰術成功, 四條煙打後 讓對手打不上來, 就由亞ken一球單刀波笠過龍門, 高仔加多一飛. 1:0, 先開紀錄, 但中, 後 用亞ken 嘅戰術話打少個後防, 結果連輸兩球, 新落場d兄弟唔識補位, 剩係識cup cup 扣扣, 唔識追, 迫人, 迫波, 打十個前鋒都死喇, 個場咁大, 有幾多個識踢大場呀, 好似踢少形球咁, 埋到龍都射唔到, 好在15號仔 (偉仔外援)一個似傳非傅嘅 傳中波 對家個龍門好比收咗韋哥fc錢咁, 將個波抓咗入網, 2:2 開大了, 但最後好一倨成哥嚟一個笠波, 當堂笠死 反勝 3:2, 但對手好勁, 仲未mon 喉, 一個角球開出, 外援金毛仔漏, 韋哥又漏, 眼看入硬, 好一個亞gap 白界前清走個波, 但未清走, 比條友係十二碼點狂射地波, 好一個韋哥夠硬鄭, 硬食一嘢擋出, 力保3:2 完場, 又一場以弱勝強戰果. 亞呂如果你個球唔射中楣, 唔洗打得咁辛苦

第一時間，射係咁射，我都唔想ga，

挑, 都話咗叫你買對 畢迪打喇, 次次都射中碌柱, 同條柱, 楣有仇呀 ? 我個度仲聽到pink 一聲添

無波入一定係對鞋唔得
等我買到對識入波嘅鞋嘅時候就唔同啦

唔該訂多對

學吓亞ken 喇, 人哋入波 入到唔曉停

下次我地等ken仔除鞋嘅時候偷佢對鞋，一人一隻!

傻瓜, 偷都唔偷佢個對喇, 又舊又殘, 對鞋仲臭崩崩添.

世紀金球, 亞ken, 犀利, 佢踢韋哥fc 以來, 最利害一球, 將對手打league 嘅龍門玩弄掌握之中