絕地反擊****

號外呀! 韋哥fc 係九龍仔夜賽絕地反擊成功, 反勝3:2 認真勁, 骨幹土炮韋哥, 亞楊, 亞鬼, 亞歡, 亞呂, 亞廣, tommy, 仲有神秘x九 加七, 八條外援 同瘦虎, 第一節互有攻守, 但可惜中, 後場比班靚仔打到pk, 亞呂前場冇人幫, 瘦虎企係度等死, 韋哥守龍又比人射到扑街, 已救了五, 六球喇, 但無奈中, 前d大佬唔肯追波, 最終都比人射破五指山, 連失兩球, sorry, 秘二節亞廣守龍, 好似好得閒, 但攻勢又無, 不過有位人兄突然上身, 鬼仔嚟喇, 十幾年嘅怨氣一次吐哂出嚟, 前扑後繼, 好似high 咗嘢咁, 平時日波就死吓死吓咁, 可能夜波上足電嚟, 回魄夜, 第三節 韋哥落場 成個勢就唔同, 土炮上陣, 即追到1:2 比光頭大哥, 第二球好關鍵, 高波吊入, 有人頂air, 過埋龍門, 好一個韋哥後柱等執雞, 大鑊 個波過頭添, 但韋哥冷靜地, 地波回傳x九, 佢又傳比大煇射入 2:2 高潮嚟喇, 我想當時一眾師兄第歸位, 第三球混戰射入 睇唔到, 唔好意思, 反勝3:2 由於反勝, 班靚仔開始嚟料, 吓吓到腳, 亞歡第一個掛彩, 後有光頭哥哥, 結果不歡而散, 亞呂早走, 享受唔到反勝的喜悅, 韋哥fc又一次以土炮制勝 喇.

勁！

偉哥，今日唔得閒俾6月會費，下次一次過俾兩個月

ok, 呢次勝利全靠土炮用命努力成果

"第二球好關鍵, 高波吊入,".. 係我頂中, 無 air ㄚ..
不過有西, 彈地向龍門外飄...仲要高左少少笠過韋哥..kaka 勤韋哥力追返

我皮外傷無事..好彩有 pat

好在你頂唔中, 我至執番, 好似今晚瑞典隊u21, 先輸3球半場, 下半場再追3球, 開下盤, 又開大嘻嘻, 又收錢

今晚神秘(柴九)打得唔錯, 人生有幾多隊韋哥fc ???

恭喜！恭喜！偉哥隊真勁！加油！

多謝你亞ken, 希望下次踢得更好

見到大家你一言我一語，攪到我都心情澎湃，恨不得立即落場．不過，再觸動傷患，就大有可能收山（大家有無見過輪椅足球？）．

大家開心繼續玩啦！！

多謝, 老兄你的腳傷患唔輕, 要好好保養, 唔好為場波, 而用柺杖